اسلام آباد 31 اګست (اے پي پي) د قامي اسمبلۍ سپيكر راجه پروېز اشرف او ډپټي سپيكر زاهد اكرم دراني وئېلي دي د كشمير حريت لارښود ارواښاد سيد علي ګېلاني د كشمير آزادۍ لپاره هلې ځلې او قربانۍ به تل ياد ساتلې شي۔دوي دا خبرې د حريت لارښود سيد علي ګېلاني د تلين په موقع په خپلو خپلو پیغامونو كښې كړې ۔د قامي اسمبلۍ سپيكر د سيد علي ګېلاني د آزادۍ هڅو ته پېرزوئنې وړاندې كولو سره وئېلي دي سيد علي ګېلاني د كشمير آزادۍ په خاطر د هند د جبر او استبداد مقابله كړې او د قيد او بند تكليفونه يې زغملي۔سپيكر ووئيل د كشمير مسئلې حل د سلامتي كونسل قراردادونو له مخې ضرورې دے ٬كشميرې اولس د 75 كلونو نه د خپلې آزادۍ جنګ كوي او د هند لخوا د كوونكو ظلمونو مقابله كوي۔ده ووئيل د سيد علي ګېلاني وژن مخ په وړاندې بوتلل او په كشمير كښې د بشري حقونو څخه د كېدونكو سرغړونو مخ نيوي لپاره غږ پورته كول زمونږ د ټولو ذمه واري ده۔ده ووئيل ملګري ملتونه دې په مقبوضه كشمير كښې د هند د ظلمونو نوټس واخلي او د كشمير په اړه دې د سلامتي كونسل په قراردادونو عمل باوري كړي۔د قامي اسمبلۍ ډپټي سپيكر زاهد اكرم دراني ووئيل د سيد علي ګېلاني ژوند مونږ ټولو لپاره د لارې مشال دے۔هغه ټول عمر د كشميريانو آزادۍ لپاره هڅې كړې۔سيد علي ګېلاني يو عظيم لارښود ؤ ٬د پاكستان قام د مقبوضه كشمير آزادۍ لپاره د هغه هڅو او قربانو ته سلام كوي
د كشمير حريت لارښود ارواښاد سيد علي ګېلاني د كشمير آزادۍ لپاره هلې ځلې او قربانۍ به تل ياد ساتلې شي۔د قامي اسمبلۍ سپيكر راجه پروېز اشرف او ډپټي سپيكر زاهد اكرم دراني د سيد علي ګېلاني د تلين په موقع جلا جلا پېغامونه
مضمون کا ماخذ : کلیوپیٹرا
متعلقہ مضامین
.jpg)
.jpg)
