اسلام آباد۔21جولائی(اے پی پی) د اطلاعاتو او خپرونو وفاقي وزير چوهدري فواد حسېن د نوموړي خبريال عارف نظامي په مړينه د غم دړد او افسوس څرګندونه كولو سره وئيلي دي د عارف نظامي په حق رسېدو سره د پاكستاني صحافت يو لويے باب بند شوے دے۔ ارواښاد د سي پي اېن صدر او د پاكستاني صحافت يو لازمي برخه ؤ۔ په صحافتي حلقو كښې هغه ته د قدر په سترګه كتلې شؤ۔ د شورؤ په ورځ خپل وېډيو بيان كښې وفاقي وزير ووئيل د ارواښاد عارف نظامي مرګ صحافت لپاره لويے زيان دے۔ هغه ووئيل عارف نظامي سره زمونږ ذاتي اړيكې وې۔ د هغه پلار حميد نظامي د نوائے وقت مؤسس ؤ۔ نوائے وقت د پاكستان آزادۍ تحريك كښې د وړومبي صف كردار ترسره كړې۔ هغه ووئيل زما نيكه چوهدري اوېس او تره الطاف هم د دغه تحريك فعاله غړي وو۔ هغوي سره حميد نظامي ژوره ملګرتيا لرله۔ هغه ووئيل عارف نظامي سره زمونږ اړيكې هم هغسې روانې وې۔ هغه ته مونږ ټول عمري د خپلې كورنۍ مشر په حېث كتلي۔ هغه دعا وكړه چې لوئے څښتن دے ارواښاد له د خپل رحم په پلو كښې ځائې او غمجنې كورنۍ له د زغم توفيق وركړي۔
د عارف نظامي په حق رسېدو سره د پاكستاني صحافت يو لويې باب بند شوے ۔ د اطلاعاتو او خپرونو وفاقي وزير چوهدري فواد حسېن وېډيو بيان
مضمون کا ماخذ : como jogar dupla sena
متعلقہ مضامین
