اسلام آباد۔1نومبر (اے پی پی) وزیراعظم محمد شہباز شریف مستونگ اچ بم دھماکہ دی شدید الفاظ اچ مذمت کریندے آکھیے دہشتگرداں دا سکول دے ٻالاں تے حملہ بلوچستان اچ انھاں دی تعلیم دشمنی دا منہ ٻولیندا ثبوت اے ،دہشتگرد ایجھے بزدلانہ حملیں توں ساݙی قوم دے حوصلے جھکے نی کرسڳدے ۔وزیراعظم دفتر دے میڈیا ونگ توں جاری بیان موجب وزیراعظم دھماکے اچ ترائے ٻالاں تے ھک پولیس ا??لکار دی شہادت تے ݙکھ تے افسوس کیتے ۔ انھاں شہدا دے اچے درجات تے انھاں دے گھر آلیں سانڳے صبر دی دعا منگی ۔وزیراعظم واقعہ دے ذمہ واران دی نشاندہی کرتے انہاں کوں قرار واقعی سزا ݙیواوݨ دی ہدایت کیتی۔وزیراعظم زخمیاں کوں بہ??ری?? طبی سہولتاں ݙیوݨ دی ہدایت وی کیتی ۔ وزیراعظم آکھیے دہشتگرداں دا حملہ بلوچستان اچ انھاں دی تعلیم دشمنی دا منہ ٻولیندا ثبوت اے ،دہشتگرد ایجھے بزدلانہ حملیں توں ساݙی قوم دے حوصلے جھکے نی کرسڳدے ،ایجھے حملے حکومت دے بلوچستان اچ تعلیم و ترقی دے ودھارے عزم کوں متزلزل نی کرسڳدے ۔ وزیراعظم عزم کیتے جو دہشتگردی دی عفریت مل?? توں منڈھوں مکاوݨ تئیں ایندے خلاف جنگ جاری رکھیسوں ۔وزیراعظم آکھیے مل?? و قوم دی خاطر ق??بانیاں ݙیوݨ آلے پولیس دے افسراں تے نینگراں تے پوری قوم کوں ماݨ اے۔
