اسلام آباد 13 جنوري (اے پي پي) د كشمير او ګلګت بلتستان چارو وفاقي وزير علي امين ګنډا پور وئيلي دي پي ډي اېم د مدرسو ماشومان د غلو كرپشن پټولو لپاره كاروي، والدين دې خپل ماشومان د دوي په لاس كښې كارولو له ورنه كړي، د مولانا فضل الرحمان د كرپشن په ضد ثبتونه عدالت ته اوړو، د مولانا فضل الرحمان څخه شيعه سني فسادات كولو لپاره د فنډ ترلاسه كولو پشمول څلور پوښتنې شوې وې، خو هغه ئې ځواب ورنه كړو. د شورو په ورځ په پرېس انفارمېشن ډيپارټمنټ كښې د مواصلات وفاقي وزير مراد سعيد سره يو ځاے خبري كانفرنس ته د وېنا كولو په مهال علي امين ګنډا پور ووئيل د مېډيا د لارې قام ته وئيل غواړو چې اپوزيشن د وړومبې ورځې نه اېن آر او لپاره هڅې كوي، د ډاكوانو مشر مولانا فضل الرحمان د پي ډي اېم مشر جوړ شوے كوم چې په خپله د اربونو روپو كرپشن كړے، كه چرته د هغه د جائيداد پلټنې وشي نو آيا هغه به مني ټرېل وركړے شي. ده ووئيل نېب مولانا فضل الرحمان او د ده سهولت كارو ته سوالنامه لېږلې شوې ، پېشې لپاره ئې راغوښتي ، په دوي كښې ډېر خلق وړاندې نه شول. كه د دوي لمن پاكه وي نو نېب ته ولې نه وړاندې كېږي. ده ووئېل تر اوسه خو د دوي د فرنټ مېنو فرنټ مېنان راوځي. وفاقي وزير ووئيل ډېر زر به د دوي څخه جائيداد اخستونكي سرمايه كار او ګواهان هم رامخې ته شي او دوي به بې نقابه كړي. علي امين ګنډا پور ووئيل د پي ډي اېم غونډو ته د مدرسو ماشومان راوستلے كېږي. والدين دې د دوي لاسونو كښې خپل ماشومان كارېدو له ورنه كړي. ده ووئيل نېب چې كومه سوالنامه مولانا فضل الرحمان ته لېږلې، د هغې ځواب دې وركړي. اوس په دړكو كار نه كېږي، ځواب خو به وركول وي. ده ووئيل د قام لوټ كړے دولت بچ كولو لپاره د مولانا فضل الرحمان دړكې او د مدرسو د ماشومانو كارېدل بې نقابه شوي. علي امين ګنډا پور ووئيل د مولانا فضل الرحمان په ضد ثبوتونه عدالت ته اوړو، د هغه به ضد به مقدمه كوو، د هغه كرپشن به قام ته ښايو. د يوې پوښتنې په ځواب كښې ده ووئيل اوس نوي څيزونه رامخې ته كېږي، هغه به هم تحقيقاتي ادارو ته وركولې شي. څه موده وړاندې مو د مولانا فضل الرحمان څخه څلور پوښتنې كړې وې چې پكښې شيغه سني فسادات لپاره د فنډ ترلاسه كول، كشمير كاز چې كله په ټوله نړې كښې په ډاګه كېدو، هغه وخت دهرنا كول او بهرنيو قوتونو سره د ملاقات ځواب لا نه دې وركړے شوے .
پي ډي اېم د مدرسو ماشومان د غلو كرپشن پټولو لپاره كاروي، مولانا فضل الرحمان ته چې كومه سوالنامه وركړې شوې، هغه دې ځواب وركړي. د كشمير او ګلګت بلتستان چارو وفاقي وزير علي امين ګنډا پور د مواصلات وفاقي وزير مراد سعيد سره خبري كانفرنس ته وېنا
مضمون کا ماخذ : کمپیوٹر لاٹری انعامات
متعلقہ مضامین
