اسلام آباد۔3جنوری(اے پی پی)وزیراعظم محمد شہباز شریف فتنہ الخوارج دا مکمل صفایا کرݨ دا عزم دوہریندے آکھیے جو پاکستان دی ترقی و خوشحالی ک??تے رل تے اے فتنہ مکیسوں۔ اے ڳالھ انہان اسلام آباد اچ نیشنل ایکشن پلان دی اپیکس کمیٹی دے اجلاس نال خطاب اچ آکھی۔ اجلاس اچ وفاقی وزرا، آرمی چیف، چارےں صوبیاں دے وزرائے اعلیٰ، چیف سیکریٹریز، وزیراعظم آزاد کشمیر، وزیر اعلیٰ گلگت بل??ست??ن اتے اعلیٰ حکام شرکت کیتی۔ وزیراعظم پاکستان دے سلامتی کونسل دے غیرمستقل رکن دی حیثیت نال ذمہ داریاں سنبھالݨ تے مبارک ݙیندے آکھیے جو پاکستان ایں ذمہ داری ??ان??ے انٹرنیشنل ڈپلومیسی اچ اپݨی پوری استعداد نال ودھ کردار ادا کریسی اتے عالمی امن ک??تے اپݨا پورا سفارتی کردار ادا کریسوں۔ اجلاس اچ ݙس??یا ڳیا جو صوبیاں اچ سی ٹی ڈی کوں مضبوط کیتا ویندا پئے، پولیس کوں جدید تربیت، ٹیکنالوجی اتے آلات ݙیوݨے ہوسن، میرٹ تے بھرتیاں کرݨیاں ہوسن، ایں ویلھے ڄݙاں دشمن مذموم مقاصد ک??تے گھات لائی بیٹھے، اے اقدامات اہم ہین۔ خیبرپختونخوا اچ خارجی گھس بیٹھیے ملک دے امن دے دشمن ہین، سرحد پار توں کڄھ ݙینھ پہلی ڄیڑھا حملہ تھئے ایندا منہ ٻھن ولدا ݙتا ویسی، بلوچستان اچ پاکستان دے خلاف تھیوݨ آل??اں سازشاں اچ وی خارجی ہتھ ملوث اے، پاکستان دی ترقی و خوشحالی دا خواب اوں ویلھے سچا تھی سڳدے ڄݙاں سارے صوبے، وفاق، گلگت بل??ست??ن اتے آزاد کشمیر اچ امن وامان دی صورتحال بہتر ہووے، ویلھا آڳئے جو فتنہ الخوارج دا مکمل صفایا کروں، ایندے ک??تے وفاق، صوبیاں اتے دفاعی اداریاں کوں رل تے مربوط حکمت عملی اپناوݨی ہوسی، میݙے ک??تے قومی مفاد اڳونہا اے، ذاتی پسند ناپسند کڄھ وی نئیں، ڄیکر ایں سوچ تے ٹروں تاں کڄھ وی ناممکن کائنی۔ انہاں آکھیا جو ڈیجیٹل محاذ تے پاکستان توں ٻاھرو بیٹھے دوست نما دشمن اتے ایجنٹ ڄیڑھے زہر اگلیندن اتے پاکستان دے خلاف سوشل میڈیا تے مہم چلیندن، اے ہک وݙا چیلنج اے جو کوڑ اتے حقائق مسخ کرتے پاکستان دے خلاف ماحول ٻݨایا ویندا پئے، اسلام آباد تے جیڑھی یلغار کیتی ڳئی اے ایندی اݙ اچ کوڑا بیانیہ ٻݨایا ڳئے، ایندا مقابلہ نا کیتا ڳیا تاں ساریاں کوششاں ونڄیڄ ویسن، ایں ??ان??ے وفاق اقدامات کریندا پئے اتے صوبیاں کوں وی کردار ادا کرݨا ہوسی۔ وزیراعظم اسلام آباد اچ احتجاج دی اݙ اچ رینجرز دے شہید جواناوں بارے کوڑیاں کہانیاں کھنݙاوݨ تے افسوس کریندے آکھیے جو مسلح افواج، پولیس اتے قانون نافذ کرݨ آل?? ادارے لازوال قربانیاں ݙیندے پین ڄیکوں ضائع نا تھیوݨ ݙیسوں، پاکستان انہاں قربانیاں پاروں ہی قائم رہسی، اسان سارے رل تے اے فتنہ مکیسوں اتے پاکستان کوں ترقی دی راہ تے سٹ ݙیسوں۔
وزیراعظم دی اڳواݨی اچ نیشنل ایکشن پلان دی اپیکس کمیٹی دا اجلاس، فتنہ الخوارج دا مکمل صفایا کرݨ دا عزم
مضمون کا ماخذ : پاور بال جیتنے کے طریقے
متعلقہ مضامین
