اسلام آباد 18 مارچ (اے پي پي) داخله وزير شېخ رشید احمد وئيلي دي چې د سندھ هاٶس نه اپوزيشن سټاك اېكسچېنج جوړ كړې دې٬ د سندھ هاٶس ويډيو به د وزيراعظم لوے سپورټ ثابت شي، شهباز شريف د قامي حكومت مشوره وركولو سره د نواز شريف بيانيه شا ته غورځولې ده، په سندھ هاؤس كښې هارس ټرېډنګ بام ته رسېدلې٬ د هارس ټرېډنګ په ضد سپريم كورټ ته ځو، د پي ټي آئي كاركنانو او اتحاديانو ته وايو چې وزیراعظم سره راشۍ، هېواد كښې د سياسي تصادم ګنجائش نشته٬ غواړو چې د جلسو د لارو پرېكړه افهام و تفهيم سره وشي، د پاکستان او آسټرالیا څلور واړه مېچونه لاهور ته منتقل كړې شوې دي، مرورو پارلماني غړو ته وايو چې بېرته راشۍ دوي ته به هېڅ نه وايو۔ د جمعې په ورځ خبري كنفرنس ته خپلې وېنا كښې ده ووئيل په 23م مارچ د پاكستان د عظيم ځواكونو پرېډ دے، د 24م مارچ نه تر دريم او څلورم اپرېل پاكستان كښې د سياسي شور شرابې ورځې دي، ټول ګوندونه به خپله پرېكړه پخپله كوي٬ يو اتحاد د چا په لمسه كښې نه دې٬ غواړو چې جمهوريت ښكاره شي٬ اولس دې په آزادۍ سره ووټ كاسټ كړي٬ په 25م مارچ به د اپوزيشن او 27م مارچ به د حكومت جلسه وي او په 27م مارچ به لوے لاريون ته وېنا كېږي۔ داخله وزير ووئيل د عدم اعتماد ووټنګ به په كومه ورځ كېږي د دې پرېكړه به د قامي اسمبلۍ سپيكر كوي، عدم اعتماد ستاسو آئيني حق دے راشئ خپل ووټ كاسټ كړئ، د داخله وزير په حېث تاسو له باور دركوم يو كس لپاره به د امنيت مسئله نه وي، داخله وزارت تاسو ته باور دركوي چې مونږ به په سندھ هاٶس كښې نه داخلېږو خو تاسو تر يو حد پوليس وساتۍ۔ د يوې پوښتنې په ځواب ده ووئيل اېم كيو اېم څخه اميد لرو چې وزیراعظم عمران خان سره ولاړ دے، پنجاب كښې دوه پارټۍ د تحريك انصاف او نون ليګ د عدم اعتماد ووټ لري۔ د يوې پوښتنې په ځواب ده ووئيل وزیراعظم عمران خان د اسلامو فوبیا په ضد لويه كاميابي ترلاسه كړې ده۔ ده ووئيل د پي ئي آئي كاركنانو او اتحاديانو ته وايم چې وزیراعظم سره راشئ٬ په اسلام آباد كښې به عمران خان كامياب شي
د سندھ هاٶس نه اپوزيشن سټاك اېكسچېنج جوړ كړې دې٬ د سندھ هاٶس ويډيو به د وزيراعظم لوے سپورټ ثابت شي۔ دا داخله وزیر شېخ رشید احمد خبري كنفرنس
مضمون کا ماخذ : لکی لیپریچون
متعلقہ مضامین
