اسلام آباد۔20مئی (اے پی پی):پاک چین صنعتی تعاون پاکستان کوں خطے اچ پیداواری مرکز بݨا ݙیسی ،صنعتی زونز دے قیام نال مقامی صنعت کاراں کیتے سرمایہ کاری دے بے شمار موقع پیدا تھیسن ، چینی صنعتاں دی پاکستان اچ منتقلی نال بے روزگاری دا خاتمہ، مختلف شعبیں اچ معلومات دا تبادلہ اتے مہارت اچ ودھارا تھیسی ،چین پاکستان اچ سی پیک دے تحت ہݨ نویں سرمایہ کاری کیتی اے اتے گزریل سال 2020 اچ اے سرمایہ کا??ی 11بلین ڈالر ??وں ودھ ڳئی جیڑھی جو 2015ء دے بعد چین دی ݙوجھی وݙی سرمایہ کاری اے ، سی پیک دا ہݨ ݙوجھا مرحلہ شروع تھی ڳئے ،ایں مرحلے اچ صنعتی تعاون توں اتے زراعت دے ودھارے دے منصوبے دی وجہ توں پہلے مرحلے توں وی ودھ اتے چنڳے اثرات مرتب تھیسن ۔زندگی دا ہر شعبہ کہیں نہ کہیں طرح سی پیک نال جڑیا ہویا اے ایں کیتے جے آکھیا ونڄے جو’’ سی پیک ساریں کیتے ‘‘ تاں ایں منصوبے دے وژن دی بہتر عکاسی تھی سڳسی ۔اے ھک خالص ترقیاتی منصوبہ اے جیڑھا جو نہ صرف چین اتے پاکستان تئیں محدود اے بلکہ پورے خطے کیتے ترقی اتے خوشحالی دا ضامن اے،ایں کیتے پاکستان تے چین ݙوہیں ہی سی پیک دے سارے منصوبیں کوں وخ??ی پورا کرݨ دا عزم رکھیندن ۔خمیس کوں اے پی پی نال ڳالھ مہاڑ کریندے ہوئیں وفاقی وزیر ??نصوبہ بندی ترقی واصلاحات وخ??وصی اقدامات اسد عمر آکھیے جو سی پیک دے تحت غیر ??لکی سرمایہ کاراں کوں ودھ توں ودھ سہولتاں ݙتیاں ویسن ۔انہاں آکھیے جو فیصل آباد اچ علامہ اقبال خصوصی اقتصادی زون اتے رشکئی خصوصی اقتصادی زون تے کم جاری اے اتے وݙی تعداد اچ سرمایہ کاراں انہاں اقتصادی زونز اچ سرمایہ لاوݨ اچ دلچسپی ظاہر کیتی اے ۔وزیر ??نصوبہ بندی آخھیے جو غیرملکی سرمایہ کاراں کوں ودھ توں ودھ سہولتاں ݙتیاں ویسن ۔سی پیک اتھارٹی دے چئیرمین عاصم سلیم باجوہ آکھیے جو پاکستان چین پاکستان اقتصادی راہداری دے ݙوجھے مرحلے اچ صنعتی اتے زرعی ترقی اتے بہتر سڑک ر??بط??ں دی بدولت فیدہ چاوݨ شروع کریسی ۔سی پیک دا ݙوجھا مرحلہ پاکستان اچ غربت مکاوݨ تے جی ڈی پی دی نمو اچ اہم کردار ادا کریسی ۔انہاں آکھیے جو حکومتی سازگار پالیسیاں دے ذریعے سرمایہ کاراں کوں ساریاں ممکنہ سہولتاں ملدیاں پئن ۔عاطف آر بخاری آکھیے جو سی پیک دے چار اقتصادی زونز رشکئی، علامہ اقبال، دھابیجی اتے بوستان ترقی دے اڳلے مرحلے اچ داخل تھی چکئن ۔
سی پیک دے تحت غیر ملکی سرمایہ کاراں کوں ودھ توں ودھ سہولتاں ݙتیاں ویسن ،اسد عمر
مضمون کا ماخذ : پاکستان کی لاٹری کی تاریخ
متعلقہ مضامین
