ملتان 31 جنوري (اے پي پي) خارجه وزير شاه محمود قرېشي وئېلي دي چې اپوزېشن دې د تحريك عدم اعتماد شوق هم پوره كړي٬شعور لرونكي اولس د پي ډي اېم د نعرو او جلسې جلسونو احتجاجي سياست پھ مكمل توګه رد كړې٬پھ پي ډي اېم كښې چې څومره ګوندونه دي هم دومره بيانيې لري۔د پي ډي اېم دريځ د تضاداتو نه ډك دې٬پي ډي اېم حكومت كور ته لېږل غوښتل خو اوس د خپلې بقاﺀ جنګ كوي٬د پي ډي اېم څخه مونږ هېڅ ډول خطر نه لرو٬په جمهوري٬سياسي او پارليماني انداز كښې به د تحريك عدم اعتماد مقابله كوو او دوي ته به ماتې وركوو۔ده دا خبرې د اتوار په ورځ د اولسي رابطې كمپائن په لړ كښې د اېن اے 156 بېلا بېلو يونين كونسلو د دورې پھ مهال مېډيا سره په خبرو دستورو په وېنا پلاوي سره په ملاقات او د پرمختيائي پروژو جاج اخستلو په مهال د ګوند كاركنانو سره په خپلو خبرو كښې وكړې۔شاه محمود قرېشي ووئيل چې كورونا واكسين راړولو لپاره د پاك فضائيه خاص الوتكه چين ته تللې٬سهار به د اسلام آباد پھ هوائي اډه د چين سفارتي عملې سره يوځاې په خپله واكسين ترلاسه كوم٬دا واكسين به زمونږ د فرنټ لائن هغه كاركنانو ته لګولې شي كومو چې خپل ژوند خطر سره مخ كړی او د خلكو ژوند يې محفوظ كړې۔ده هيله څرګنده كړه چې د دې واكسينو په نتيجه كښې به د اولس ژوند محفوظ شي٬اولس ته خواست دې چې احتياط دې نه پرې ږدي٬ده ووئيل چې د كورونا وباﺀ مخ نيوي لپاره د وزيراعظم د سمارټ لاك ډاؤن د حكمت عملۍ په نړيواله كچه ډاډګيرنه شوې۔ده ووئيل چې د ډينيل پرل كيس په اړه حكومت د نظرثانۍ خواست كړې۔هيله ده چې د ډينيل پرل كورنۍ سره به انصاف وشي۔په افغانستان كښې د امن په اړه د امريكې د نوې حكومت څخه د هيلو په اړه د پوښتنې په ځواب كښې ده ووئيل چې په افغانستان كښې امن نه يوازې خواهش دې بلكې ترجيح هم ده٬زمونږ خواهش دې چې په افغانستان كښې امن او استحكام راشي ځكه چې پھ افغانستان كښې امن وي نو په ټوله منطقه كښې به امن وي۔هيله ده د امريكې نوې حكومت راتللو سره به د افغانستان د امن معاملې د بهترۍ په پلو لاړې شي۔هند سره د دوه اړخيزه تجارت كوم امكانات نشته او نه هند سره د بېك ډور چينل كومه رابطه لرو۔مونږ د هند په ضد د ترهه ګرۍ د ملاتړ نه رد كېدونكې ثبوتونه د ملګرو ملتونو پشمول نړيوالو ادارو ته لېږلې دي٬موڼږ نړيواله ټولنه پاكستان عدم استحكام سره مخ كولو لپاره د هند د هڅو نه خبر كړې۔ده ووئيل چې د پاكستان سلامتيا لپاره قام او ټول ګوندونه يو موټې دي
اپوزېشن دې د تحريك عدم اعتماد شوق هم پوره كړي٬شعور لرونكي اولس د پي ډي اېم د نعرو او جلسې جلسونو احتجاجي سياست پھ مكمل توګه رد كړې۔د خارجه وزير شاه محمود قرېشي دستورې ته وېنا
مضمون کا ماخذ : کمپیوٹر لاٹری
متعلقہ مضامین
