اسلام آباد۔13اپرېل(اے پی پی) د منصوبه بندۍ٬ پرمختګ ٬ اصلاحات او خصوصي اقدامات وفاقي وزير او د نېشنل كمانډ اېنډ آپرېشن سېنټر مشر اسد عمر وئيلي دي د كورونا وائرس په درېمه چپه كښې د شدت سبب د اولس لخوا په اېس او پېز عمل نه كول دي۔ هره ورځ 70 زره ډوز لګولې شي۔ هېواد كښې 13لكه وګړو ته د كورونا نه د بچ كېدو وېكسين لګولې شوي او اوس مونږ سره 9 لكه ډوز پاتې دي۔ د نېشنل پرېس كلب پروګرام ميټ دي پرېس كښې هغه ووئيل مونږ ته نزدې يوه مياشت وړاندې دا محسوس شوه چې كورونا په تندۍ سره خپرېږي۔ مونږ شكي شوو چې دا د برطانېي كورونا خو نه ده۔ په تحقيق سره معلومه شوه چې دا هم هغه كورونا ده ولې چې دې ځائې نه ډېر وګړي برطانيې ته ځي راځي۔ هغه ووئېل دې نه پس مونږ د انتظاميې او ميډيا د لارې اولس ته د كورونا نه د بچ كېدو او د حفاظتي تدابير حوالې سره خپل پېغام ورسولو۔ هغه ووئيل داسې ښكاري لكه د خلقو د زړه نه د دې يره ختمه شوې او دا ځكه چې نه خو اولس په اېس او پېز عمل وكړو او نه انتظاميه په دې عمل باوري كړو چې په نتيجه كښې ئې دا وباﺀ هېواد كښې په تندۍ سره خپره شوه۔ هغه ووئيل مونږ د لس دولسو ورځو نه سختي كړې چې ورسره كورونا كمه شوې خو نه ده خو اودرېدلې ضرور ښكاري۔ هغه ووئيل د رمضان وروستۍ لسيزه كښې خلق اعتكاف ته كښني ، عبادتونه كوي٬ بازارونو ته شاپنګ له ځي ځكه خلقو له به زيات احتياط كول وي۔ هغه ووئېل رب دې نه كړي كه دا وباﺀ زياته شوه نو بيا به حكومت له سخت ګامونه پورته كول وي او د دې اغېز به اول په اولس او بيا په حكومت پرېوزي۔ هغه ووئيل هېواد كښې هره ورځ 70 زره ډوز لګولې شي۔ هېواد كښې 13لكه وګړو ته د كورونا نه د بچ كېدو وېكسين لګولې شوي او اوس مونږ سره 9 لكه ډوز پاتې دي۔ هغه ووئيل د اختر نه وروستو به هره ورځ دوه لكه نه زياتو كسانو ته د وېكسين لګولو هڅه كوؤ۔ د تعليمي ادارو د بندولو او پرانستلو پرېكړه بېن الصوبائي وزارتي كمېټي كوي۔ اېن سی او سی دوئي يوازې د خطرې نه خبروي۔ هغه ووئيل د دې وائرس د لاسه د مرګونو شمېره 50 كلنه وګړو كښې كمه ٬ 60 كلنو كښې زياته او 70 كلنو كښې ډېره زياته ده۔ هغه ووئيل دا مهال د 50 كالونو نه د زيات عمر 17 لكه وګړو رجسټرېشن كړے۔ هغه ووئيل د 18 كالو نه د كم عمر كوچنيانو ته به دا وېكسين نه شي لګولې۔ په دې موقع د اېن پي سي صدر شکیل انجم او سېکرټری اېن پی سی انور رضا وفاقی وزیر ته د نېشنل پرېس کلب پروګرام میټ دی پرېس كښې په ګډون كولو هركلے اووې۔ دې نه وړاندې چې كله وفاقي وزير اسد عمر نېشنل پرېس كلب ته راورسېد نو د اېن پي سي صدر شكيل انجم ٬ سېكټري انور رضا ٬ جوائنټ سېكرټري ندیم چوهدري او نورو سينئر خبريالانو وفاقي وزير ته هركلے وئيلو سره هغه ته ګلدسته وركړه۔
د كورونا وائرس په درېمه چپه كښې د شدت سبب د اولس لخوا په اېس او پېز عمل نه كول دي۔ وفاقي وزير اسد عمر
مضمون کا ماخذ : لاٹری کے انعامات
متعلقہ مضامین
