اسلام آباد۔24جولائی(اے پی پی)د اطلاعاتو او خپرونو وفاقي وزير چوهدري فواد حسېن وئيلي دي چې د ن ليګ حمد الله محب او نواز شريف ترمينځه ملاقات آډيو ټرانسكرپټ قام ته وړاندے دے۔ پاكستان مخالف افغان وګړي نواز شريف سره ملاقات نه وروسته هندي خفيه اهلكارو سره هم ملاقات كړے۔ نواز شريف د هېواد درې وارې وزيراعظم پاتے شوے دے ٬ آيا هغه ته پاكستان مخالف حمد الله محب سره ملاقات كول پكار وو۔ په پاکستان مخالف بیانات وركولو پاكستان د افغان قامي سلامتيا سلاحكار دفتر سره خپلې ټولې رابطې ختمې كړې دي۔ په افغان مشرتابه مو دا په ډاګه كړې ده چې افغان امنيتي صلاكار سره به هېڅ خبره نه كېږي۔ پاكستان په هر سخت وخت كښې د افغانستان ملګرتيا كړې۔ مونږ افغانستان كښی يو داسې حكومت لپاره هڅې كوؤ په كوم چې ټولې افغان ډلې اتفاق لري۔ پاكستان تر څو كلونو د 50 لكه افغان وګړو مېلمستيا كړې۔ كه امر اللہ صالح تر 20 كلونو اقتدار كښې پاتې كېدو نه پس هم خپل هېواد ته استحكام نه دے وركړے نو هغه بايد خپله محاسبه په خپله وكړي۔ مونږ افغان اولس سره ولاړ يؤ او ولاړ به پاتے كېږو۔ هند د پاكستان وزيراعظم په شمول د نړۍ يو شمېر لارښودو او د هند دننه د خپل اپوزيشن او خبريالانو فون ټېپ كولو له اسرائيلي ټېكنالوجي كارولې۔ د دې خيالاتو څرګندونه هغه د خالي په ورځ خبري كنفرنس ته خطاب كښې وكړه۔ د وزيراعظم د احتساب او داخله چارو صلاحكار شهزاد اكبر هم په دې موقعه موجود وو۔ د اطلاعاتو وفاقي وزير ووئيل نن د افغانستان نېشنل سېکورټی اېډوائزر آفس لخوا يو پرېس ريليز جاري شوې كوم كښې چې وئيلې شوي دي چې حمد الله محب نواز شريف سره لندن كښې ملاقات كړے۔ هغه ووئيل نواز شريف د پاكستان نه تښتېدلے دے۔ هغه د كرپشن كېسونو كښې سزا شوے دے۔ هغه ووئيل د حمد الله محب په ملاقات د پاكستان حكومت ته تحفظات دي۔ د امر الله صالح او حمد الله محب په بنيادي توګه افغانستان سره هېڅ ذاتي تعلق نشته۔ دوئي په مخصوص مشن افغانستان ته راغلي دي۔ مونږ د امر الله صالح يا حمد الله محب د بيانونو هېڅ ځواب نه وركولو خو كله چې مونږ وكتل چې هغه پاكستان بدنامول غواړي نو زمونږ د كابينې غړو د هغه د خبرو ځواب وكړو۔ هغه ووئيل نواز شريف لندن كښې يو داسې تن سره ملاقات كړے كوم چې هندوستان سره ښكاره اړيكې لري۔ د مئي په درېمه اونۍ كښې چې كله حمد الله محب د پاكستان په ضد خبرې وكړې نو د دغې نه سمدستي وروسته د هغه ملاقاتونه د هندوستان سېكورټي اسټېبلشمنټ سره وشول او هغه دغلته هم د پاكستان په ضد خبرې وكړې۔ هغه ووئيل پاكستان 50 لکه نه زيات افغان كډوالو ته پناه وركړې۔ د افغانستان زده كوؤنكي دلته زده كړې ترلاسه كوي۔ هغه ووئيل دا مهال د 6 زره نه زيات افغان زده كوؤنكي د پاكستان په بېلو تعليمي ادارو كښې زده كړې ترلاسه كوي۔ هغه ووئيل د وزيراعظم د اولنۍ ورځې نه يوه نظريه پاتې شوې چې مونږ افغانستان كښې كومې ډلې سره نه يو۔ مونږ افغان اولس سره يؤ۔ د دې مطلب دا دے چې مونږ كابل كښې داسې حكومت له هڅې كوؤ په كوم چې د ټولو اتفاق وي۔ هغه ووئيل دې نه وړاندې هم نواز شريف نيپال كښې جندل سره ملاقات كړے او د دغې ملاقات ټرانسکرپټس اولس ته وړاندې كړې شوي نه دے ولې د هندوستان يو نوموړي خبريال بركھا دت خپل كتاب كښې ليكلي چې نواز شريف جندل ته مودي لپاره پېغام وركړے ؤ چې د پاكستان پوځ د ده په لاره كښی خنډان ودروي۔ هغه ووئيل كه د كوم هېواد وزيراعظم د دښمن هېواد سیکورټي اسټېبلشمنټ سره په ګډه د خپل هېواد په ضد سازش كوي نو ددې به څه نتيجه رامخې ته كېږي۔ هغه ووئيل مريم نواز هم يو تصوير ټويټ كړې چې د عمران خان ملاقات مودي سره شوې او د جنرل باجوه ملاقات حمد الله محب سره شوې۔ هغه ووئيل حمد اللہ محب د افغانستان نېشنل سیکورټی اېډوائزر دے۔ په اداره جاتي كچه ملاقات او انفرادي ملاقات كښی فرق دے۔ هغه ووئيل د عمران خان مودي سره د ملاقات په وخت د دغه وخت پخوانے او اوسنې خارجه وزير شاه محمود قرېشي موجود وو او ددې ملاقات په اړه پارټۍ ته علم وو۔ چوهدري فواد حسېن ووئيل چې مونږ هند سره د ښو اړيكو ساتلو هڅې كړې دي۔ مونږ هند سره ښې اړيكې غواړؤ۔ عمران خان په ډاګه كړې چې هندوستان سره كه زمونږ اړيكې ښې شي نو مونږ چين او هندوستان كومې چې دوه لويې تجارتي منډيانې دي ترمينځه يؤ او ددې په نتيجه كښې به د هندوستان او پاكستان اولس حالت بدل شي۔ خو د بده مرغه په هندوستان يو داسې حكومت مسلط دے كوم چې د آر اېس اېس نظريې نه متاثر دے۔ د يوې پوښتنې په ځواب كښې وفاقي وزير ووئيل مونږ د كشمير اولس ته حق وركول غواړؤ چې هغوي د خپلې مرضې مطابق پرېكړه وكړي۔ هغه ووئيل عمران خان د كشميري اولس سفير دے۔ د يوې بلې پوښتنې په ځواب كښې هغه ووئيل ګارډين ورځپاڼې خط ليكلې او د وزيراعظم درې لمبرې ئې وركړې دي او وئيلي ئې دي چې دا درې لمبرې ټارګټ شوي دي۔ مونږ د دې پلټنې كوؤ۔ مونږ به خپلې پلټنې ملګرو ملتونو او نورو ادارو سره شيئر كوؤ۔
د ن ليګ حمد الله محب او نواز شريف ترمينځه ملاقات آډيو ټرانسكرپټ قام ته وړاندے دے۔د اطلاعاتو او خپرونو وفاقي وزير چوهدري فواد حسېن خبري كنفرنس ته خطاب
مضمون کا ماخذ : bolão dupla sena
متعلقہ مضامین
