اسلام آباد 28 دسمبر (اے پي پي) قامي سلامتيا لپاره د وزيراعظم سلاحكار ډاکټر معيد يوسف اعلان كړے چې وفاقي كابينې د يو تاريخي اقدام په توګه د قامي سلامتيا د وړومبنۍ جامع پاليسۍ منظوري وركړې چې بنياد ئې په اقتصادي سلامتيا آډانه لري ۔ د نهې په ورځ د اطلاعات او خپرونو وفاقي وزير چوهدري فواد حسېن په ګده ميډيا ته بريفنګ كښې د كابينې د غونډې د پرېكړو په اړه ووئيل تېره ورځ د قامي سلامتيا كمېټۍ لخوا د قامي سلامتيا پاليسۍ (اېن اېس پي) د توثيق نه پس كابينې د دې منظوري وركړې ۔ ډاکټر معيد يوسف ووئيل زه په دې كاميابه هڅه ټول قام له مباركي وركول غواړم ځكه چې كه د يو هېواد د قامي سلامتيا وژن غېر واضح وي نو د ھغې له مخې پاليسي جوړول هم ګرانه وي۔ ده ووئيل په دې پاليسۍ كښې د قامي سلامتيا مجموعي اړخونو ته پام ګرځولے شوے او د وزيراعظم په مشرۍ كښې دا ضابطه بندي شوې چې اقتصادي سلامتيا به د پاليسۍ بنيادي مرکز وي۔ ده زياته كړه چې قوي معيشت به په دفاعي او انساني سلامتيا لا مصرف باوري كړي۔ ده په دې خبره زور رواړو چې د بهرنو اقداماتو په اړه د پاليسۍ مقصد “امن” دے۔ د نيشنل سکيورټي پاليسۍ له مخې قامي همغږۍ لپاره هېواد د خپل كلتور او نسلي تنوع ټول مهم اړخونه په ګوته كړے شوي ، په دې لړ كښې قامي اتحاد پكار دے ٬ ده ووئېل دغسې نېشنل سكيورټي پالېسي د انساني تحفظ د ټولو اړخونو احاطه كوي لكه د صحت تحفظ٬ آب و هوا٬ اوبه٬ د خوراك حفاظت او د صنف ۔ ده ووئيل تر كومې چې د اقتصادي سلامتيا تعلق دے ٬ دې پاليسۍ كښې په دې مناسب بحث شوے ۔ ده زياته كړه چې د پاكستان ديمه مهمه اندېښنه معياري انساني وسائل رامخې ته كول دي كوم چې به په ځائي كچه په معيشت حتمي اثرات مرتب كوي٬ د دې نه علاوه په اقتصادي باب هم خبرې شوي٬ دغسې د پاليسۍ نور عناصر په خپلواكۍ او سيمه ايز سالميت رڼا اچوي كوم چې دفاع او د پوځي سلامتيا پحقله دې۔ ده ووئيل د قامي سلامتيا پاليسي جوړولو عمل په كال 2014 كښې پېل شوے ؤ كوم چې په 7 كاله كښې تر سره شوے ځكه چې په دې كښې ډېر زيات حساسيت او پېچلتيا وه او په دې عمل په لويه پېمانه خبرې اترې شوي ۔ ده ووئيل زه دا وئيل غواړم چې د ټولو وفاقي وزارتونو او صوبو څلور راؤنډ شوي چرته چې دوي په تېرو كلونو كښې ان پټ وركړے٬ سول ملټري قيادت او ادارو په ګډه كار كړے او د ټولو شراكتدارو سره د اتفاق نه پس د دستاوېز منظوري وركړې شوې۔ ډاکټر معيد يوسف د نجي څانګې، تعليمي ادارو او د پوهانو د عدم شركت په اړھ ووئيل د كال 2014 څخه د تعليمي ادارو٬ پوهنتونونو زده كوٶنكو او نجي څانګې سره تعلق لرونكو د 600 نه زياتو پاكستانو پوهانو په پاليسۍ جوړولو كښې خپل كليدي كردار تر سره كړے۔ ده ووئيل دا يو بشپړ مشاورتي عمل ٶ چرته چې د دې دستاوېز په يو يو ټكي په زړه پورې بحث شوے۔ ده په دې خبره زور رواړو چې د وزيراعظم په امر د قامي سلامتيا ډويژن (اېن اېس ډي) به د پاليسۍ نفاذ او په دې لړ كښې د رامخې ته مسئلو په اړه اېس اېس سي په مياشتني بنياد خبروي۔ ده ووئيل دا به په اجتماعي توګه يو خفيه دستاوېز وي خو په راتلونكې اونۍ يا لسو ورځو كښې به د وزيراعظم لخوا بشپړ عوامي وژن جاري كولې شي۔ ده ووئيل په پاليسۍ كښې د قامي سلامتيا او قامي معيشت بابونه شامل دي، په دې لړ كښې چې څومره زيات بحث وشي دومره به ښه وي۔ ده ټول قام له مباركي وركولو سره ووئيل وفاقي او صوبائي حكومتونو ٬ د خپلو ټولو ملګرو٬ سول او د وسله وال قيادت هم مننه كول غواړم چا چې په دې ږړ كښې مهم كردار لوبول ۔ ډاکټر معيد د بېلا بېلو پوښتنو په ځواب كښې ووئيل د قامي سلامتيا پاليسي يوه چهترۍ ده چې پكښې د معاشي٬ انساني٬ داخلي٬ پوځي او د نورو امنيتي اندېښنو د ټولو اړخونو احاطه شوې ۔ د يادونې وړ ده د ګل په ورځ د وزيراعظم عمران خان په مشرۍ كښې د قامي سلامتيا کمېټۍ (اېن اېس سي) غونډه شوې چې پكښې د هېواد د وړومبۍ قامي سلامتيا پاليسۍ منظوري وركړې شوې۔ د غونډې په مهال د پاكستان د قامي سلامتيا وړومبنۍ پاليسۍ 26-2022 د قامي سلامتيا سلاحكار منظورۍ لپاره وړاندې كړې وه ۔ په غونډه كښې خارجه وزير مخدوم شاہ محمود قرېشي،د دفاع وزير پروېز خټك، د اطلاعات او خپرونو وفاقي وزير چوهدري فواد حسېن، داخله وزير شېخ رشيد احمد، د خزانې سلاحكار شوکت ترين، ډاکټر شيريں مزاري، د جوائنټ چيفس آف اسټاف کميټۍ چيئرمين ، ټول سروسز چيفس، د قامي سلامتيا سلاحكار او نورو اعلٰې سول او پوځي چارواكو ګډون كولو
وفاقي کابينې د پاکستان قامي سلامتيا د وړومبنۍ جامع پاليسۍ منظوري وركړې۔ ډاکټر معيد يوسف
مضمون کا ماخذ : فروٹ شاپ
متعلقہ مضامین
.jpg)
