اسلام آباد 12 اګست (اے پي پي) په قامي اسمبلۍ كښې د ډائمنډ جوبلي په موقع د كوچنيانو په كنونشن كښې د ګرد هېواد د بېلا بېلو سكولونو ماشومانو د دې عزم پخلے كړے چې د هېواد سباٶن ځوانانو له سمول دي ٬ آئين د كوچنيانو د بنيادي تعليم ضمانت وركړے ، ټولې صوبې دې د كوچنيانو تعليم او صحت ته خاص پام وكړي۔ په قامي اسمبلۍ كښې د ډائمنډ جوبلي دستورې روانې دي۔ د جمعې په ورځ قامي اسمبلۍ كښې د سويټ هوم او د هېواد د نورو سكولونو ماشومانو په لويه شمېره ګډون كولو۔ د تاريخ پاکستان پحقله زده كوٶنكو د جوش نه ډك تقريرونه وكړل٬ د سكول ماشومانو چې پكښې جينكۍ او هلكان شامل وو ووئيل د قائداعظم تعليمات په رڼا كښې اولس ته دې بنيادي حقونه باوري كړے شي، آئين د ماشومانو د بنيادي تعليم ضمانت وركړے ٬ د تعليم نظام د ژوند احاطه كوي ، دې سره په ټولنه كښې شعور بېدار او د كوچنيانو ښې تربيې له هم مرسته تر لاسه كېږي٬ د هر هېواد د پرمختګ اندازه د دوي د شرح خواندګۍ نه لګېدې شي٬ ګرده نړۍ كښې پرائمري تعليم ته ډېر اهميت وركولې شي ځكه چې دا د كوچنيانو بنياد جوړوي او چې يو ځل بنياد ښه جوړ شي نو د عمارت اودرول آسان وي٬ هم دا سبب دے چې د تعليم طريقه كار ٬ سهولتونو او د استاذانو تر انتخاب هرې مرحلې ته ډېر اهميت وركړے كېږي دغسې چې د كوچناينو تخليقي صلاحيتونه رامخئ ته كړې شي۔ كوچنيانو ووئيل د تل پاتې ترقۍ اهداف له مخې پاكستان ملګرو ملتونو سره لوظ كړے چې تر كال 2030 به هر كوچني ته بنيادي تعليم لازمي وركولې شي٬ مونږ د ايوان نه مطالبه كوٶ چې په ټول هېواد كښې د كوچنيانو بنيادي تعليم پحقله ترجيحي بنيادي اقدامات وكړي۔ د دې ايوان نه مونږ دا هم مطالبه كوٶ كوم ماشومان چې د سكولونو نه بهر دي د ھغوي په سكولونو كښې داخلولو لپاره دې په ترجيحي بنيادونو اقدامات وكړي دغسې چې زمونږ هېواد د تعليم په څانګه كښې مخ په وړاندې لاړ شي۔ په دې موقع محمد اسماعيل، عظيقه شهباز، سفينه محمود، رخسانه حاجي محدود، سيد علي اکبر هاشمي، خديجه فاروق، سدره بټ، حسن محمود، عائشه اسد، محمد سالار، زين صادق، جنت وسيم، کشف مېمن، فاطمه جهانګير پشمول د بېلا بېلو سكولونو زده وكٶنكو د كوچنيانو كنونشن ته وېنا وكړه
د هېواد سباٶن ځوانانو له سمول دي ٬ آئين د كوچنيانو د بنيادي تعليم ضمانت وركړے٬ د ډائمنډ جوبلي په موقع قامي اسمبلۍ كښې د ماشومانو كنونشن ته د كوچنيانو وېنا
مضمون کا ماخذ : میٹھا بونانزا
متعلقہ مضامین
